«Кек алушылар» картинасының кейіпкерлері, Лондондағы жанкүйерлерімен жүздесті. Премьера алдында ерек кездесу ұйымдастырған киногерлер, фильмді талқыға салған еді. Тіпті, Скарлетт Йоханссон аздап «спойлерлармен» бөлісті.

«Кек алушылардың» премьерасы қарсаңында, халықтың лентаға деген қызығушылығы арта түсуде! Марвелдың адал жанкүйерлері киноға қатысты өз болжамдарын жасауда. Сондықтан, фантастика құрметіне ұйымдастырылған кеште төбе көрсеткен актерлар қауымы, аз да болса, көрерменнің күдігін сейілтуге тырысты.

Крис Хемсфорт, актер:

- Адамдар қызық, трейлерді көре сала, түрлі сюжет ойластырады. Мысалы, Тор мен капитан Марвел арасында махаббат болуы мүмкін дегендей. Айтыңыздаршы, кейіпкерлер соғыс кезінде махаббат туралы қайдан ойласын?

Есесіне, көпшілік «Кек алушылардағы» алғашқы қаһарман әйел «Қара жесірді» өзгемен жұптастыра қоймаған. Сондықтан, Скарлетт Йоханссоннан өзге кейіпкерлер туралы сұрайтындар жетерлік.

Скарлетт Йоханссон, актриса:

- Құмырсқа-адам мен Таносқа қатысты көптеген сауалдар түсіп жатады. Ол екеуіне байланысты болжамдар да көп. Бұған айтар жауабым: барлығы сіздер ойлағандай емес.

Белгілісі, фантастиканың финалында аман қалған «Кек алушылар» жақтастарымен күш біріктіріп, Таносқа қарсы тұруы тиіс. Соңғы бөлімде, қаһарман кейіпкерлердің қателесуге құқы жоқ!

Энтони Руссо, режиссер:

- Көрермендер ғана емес, киногерлер қауымы да ерекше толқуда. Лентаның соңғы бөлімі көптің көңілінен шығады деп үміттенемін.

Қазақстандық Марвел сүйер қауым болса, өз болжамдарының дұрыс-бұрыстығына көп ұзамай көз жеткізе алады. Лента, 29-сәуірден бастап үлкен экрандарда!