Бейонсенің өнердегі әріптесі Рианна да, өзінің актерлық қабілетін сынап жүр. Танымал әнші қыз, музыкант Чайлдиш Гамбиноның фильміне түскен еді. «Гуава аралы» атты кинотуынды қашан жарық көрмек?

Чайлдиш Гамбино продюсерлік еткен туынды 13-ші сәуір күні «Coachella» фестивалінде көрсетіледі. Бас кейіпкерін Рианна сомдайтын жоба өткен жылдың тамыз айынан бастап түсірілген. Музыкант Чайлдиш «Гуава аралы» картинасын, жаңа альбомының құрметіне әзірлеген екен. Әнші жігіт жылдың ең айтулы шарасында фильмінің тұсауын кесіп, тікелей эфир арқылы көру мүмкіндігін сыйға тартпақ.

Кристен Стюарт та кезекті киножобасын ұсынды. «Сумерки» фильмінің жұлдызы су жаңа драмада басты кейіпкер атанған еді. Актриса режиссер

Джастин Келли таспалаған «J.T. LeRoy» лентасына шақырту алыпты. Бикеш фильмде, 6 жыл бойы өзін жазушы ретінде көрсетіп келген қыздың образынын сомдайды. Кристеннің тың туындысы, 26-шы сәуірден бастап көрерменге жол тартады.

«Ғарыш күзетшілері» франшизасымен танылған Дэйв Батиста, өзін комедия жанрында сынап көрді. Актер «Менің тыңшым» атты картинада басты рөлде ойнайды. Қызыққа толы отбасылық лентада, сері 9 жасар қызды жасырын агент болуға үйретеді. Кішкентай аруға ұстаздық ету – Дэйвтің басты миссиясына айналмақ.