Британдық поп-ұжым «Spice Girls» болса, әлемдік турнеге аттануы тиіс еді. Алайда әйгілі гелзбендке ән сапарларын тоқтауға тура келді. Қайта табысқан әнші бикештердің мұндай шешіміне не себеп?

«Spice Girls» солистерінің өзара келісе алмауы, үлкен дауға себеп болды. Ұжымның мүшесі Мел Би, кезінде әріптесі әрі құрбысы - Джерри Холливеллмен көңіл қосқанын жайып салған көрінеді. Мел Бидің көпшіліктен жасырған сырымен бөлісуі, Джерридің ашуына тиген екен. Тіпті гелзбенд жоспарлаған ән сапарларын өткізбейміз деп отыр. Ал топтың турнеден бас тартуы, бірнеше млн доллар айыппұлмен тең.

Гарри ханзада мен Меган Марклдың өмірі көптің қызығушылығын оятатыны анық. Ұлыбритания патша әулетінің ханзадасы, бірер күн бұрын инстаграмда өз акканунтын тіркеген еді. Жұбайымен ортақ парақша ашқан ақсүйектерге, бір тәулікте 3 млн-нан аса оқырман жазылған. Осылайша рекорд орнатқан герцогтар, қызықты сәттерімен бөлісіп тұруды жөн санапты.

Билли Айлиш су жаңа альбомы арқылы әлемді мойындата алғандай. Жас әнші су жаңа үнтаспасымен Австралия елінің музыкалық чарттарында үздік ондықты жаулап алған. «Spotify» платформасында 1 млрд-тан астам тыңдалған әнжинақ - Биллидің дебьюттық еңбегі. 17-ге енді толған өнерпаз, соңғы 10 жылдықтағы «талантты жас орындаушылар» қатарының көшін бастап тұр.