Жұлдыздар қайырымдылықпен көзге түсіп жатқанда, «Jonas Brothers» тобы музыка әлемін жаулап алуды көздеп отыр. Жуырда ғана қайта құрылып, камбэк ұсынған ағайынды жігіттер кезекті туындаларын жарыққа шығарды.

Араға 6 жыл салып қайта жасақталған «Jonas Brothers» ұжымын, тыңдармандары сағынып қалғандай. Өйткені, бойзбендтің «Sucker» камбэгі музыкалық чарттардың көшін бастап тұр. Жігіттер су жаңа альбомға енетін тағы бір «Cool» трегіне бейнебаян түсірді. 80-ші жылдарды еске салатын клип, бүгін де 15 млн-нан аса қаралым жинап үлгерді.

Америкалық диджей «Marshmello» шотландық «Chvrches» синти-поп тобымен ортақ туынды ұсынды. Музыканттар бірігіп «Here With Me» әнін шырқаған еді. Талантты диджейдің таңдауы «Chvrches» түскені бекер емес. Аталмыш үштік BBC арнасының пайымымен талантты жұлдыздар арасында үздік бестікке енген.

«Tokio Hotel» кезекті үнтаспасын дайындау үстінде. Рок-ұжым «Melancholic Paradise атты альбомға кірген алғашқы тректің біріне бейнеклип таспалаған. «When It Rains It Pours» туындысы, топтың вокалисі - Билли Каулитц үшін ерекше орын алды. Өйкені, музыкант дәл осы әнде, блюз бен рок жанрын тоғыстырған еді.