Корейлік ұжым BTS пен америкалық әнші Холзидің де дуэті сәтті шығуы тиіс! Әлемді жаулаған әйгілі бойзбенд су жаңа бейнебаянының тизерін ұсынды. Туындыда Холзидің төбе көрсетуі, күллі Арми үшін күтпеген жайт болғаны жасырын емес.
Тизердің көрермен назарына жол тартқаны сол-ақ еді, видео youtube-та трендтегі туындыға айналып, бір тәуліктің ішінде 11 миллион қаралым жинап үлгерді. Еске салсақ, 12-сәуір күні жарық көретін аталмыш бейнебаян «Boy With Luv» трегіне таспаланған еді. Әсем ән, жігіттердің «Map of Soul: Persona» атты су жаңа жинағының құрамына кірмек.
