Рэп әлемінде төңкеріс жасаған Карди Би өз мүсіншесіне ие болды. Ол америкалық хип-хоп орындаушының музыка саласына сіңірген ерең еңбегі үшін арнайы әзірленген екен.

Карди Бидің құрметіне қоладан құйылған мүсін - «Spotify» музыкалық платформасының тапсырысымен дайындалыпты. Скульптурада рэпер қыздың дене бітімі мен бейнесі дәл бейнеленген. Карди Бидің мүсіні Нью-Йорк музейінде, 3-і мен 7-ші сәуір аралығында өтетін «Rap Caviar Pantheon» көрмесіне қойылмақ. Еске салсақ, өткен жылы осындай құрметке SZA және 21 Savage сынды талантты өнерпаздар лайықты деп танылған еді.