Әлемге танылған әнші Дрейк, кино әлеміне қайта бет бұрды. Рэпер бұл жолы актер емес, бас продюссер ретінде бағын сынап көрмек. Музыканттың «Эйфория» телехикаясында, Зендаяның өзі басты ролді сомдапты.

Су жаңа сериалдың продюсерлік тізгініне Дрейк, «HBO» арнасының ұсынысымен келген. Музыканттың аталмыш компаниямен бірігіп ұсынған жобасы – жастардың өмірінен сырт шертпек. «Өрмекші адам» фильмінің жұлдызы Зендая, бала күнінде психологиялық қысым көрген қызды сомдайды. Жоба авторларының айтуынша, туындының алғашқы бөлімі сәуір айының соңында жарық көреді.

The Rolling Stones тобы жоспарлаған әлемдік турнелерін кейінге шегерді. Әйгілі британдық рок-группаның мүшесі - Мик Джаггердің денсаулығы сыр берген көрінеді. Бірер күннен кейін 75 жастағы музыканттың жүрегіне жедел түрде ота жасалмақ. Енді ұжымның сәуір мен маусым айларына жоспарланған ән сапарының қашан өтетіні белгісіз.

«Капитан Марвел» фильмі кассалық табысымен жаңа рекорд орнатуда. Фантастикалық лента, айналымдағы 3 аптаның ішінде 1 млрд доллар пайда тауып үлгерген. Ұшқыш қыздың хикаясын баяндайтын лента, әйгілі киностудияның әйел кейіпкерге арналған толықметрлі алғашқы жобасы. Ал Марвел фанаттары енді Бри Ларсонның сомдауымен «Кек алушылар: Соңы» фильмін асыға тосып жүр.