Ең беделді Биллборд музыкалық чарты апта үздіктерін анықтады! The Weeknd-тың шәкірті NAV-тың альбомы сатылым жағынан көш бастап тұр! Соған қарағанда, канадалық хип-хоп орындаушы ағалық көмегін інісінен аямай жатқан сыңайлы.

Бір апта бұрын NAV The Weeknd-пен бірлесе «Price On My Head» трегіне жаңа бейнебаянын ұсынған еді. Енді міне, канадалық орындаушының «Bad Habits» жинағы сатылымы ең жоғарылар қатарында. Музыка саласына небәрі 4 жыл бұрын бет бұрған өнерпаз үшін, жаман жетістік емес! Оның үстіне, бұл рэпердің жарық көрген тек екінші жинағы.

Үздік хип-хоп орындаушылар көшін Rich the Kid жалғайды! Биллбордтан табылған рэпердің «The World Is Yours 2» альбомы көпке ұнап жатсе керек! Еске салсақ, орындаушы өнер жолын Migos-пен бірге бастаған еді. Ал, Rich the Kid-тің әнші атануына Jay-Z, 2Pac, 50 Cent-тың шығармашылығы әсер еткен екен.

Музыкалы чарттың көшін бастап, көпті таңқалдырғанның тағы бірі –XXXTENTACION болды. Атышулы рэпер бір жыл бұрын дүниеден өтсе де, оның әуендерін халық таласа тыңдауда. Соған қарағанда, хип-хоп орындаушыны қалың көпшілік әлі де қимай жатқан сыңайлы.