Карди Би, Қайрат Нұртас секілді үлкен отбасын армандап жүр. Сүйіктісі Оффсетпен қайта қосылған рэп орындаушы, тіпті екінші мәрте ана атануға дайындық үстінде көрінеді.

Карди Бидің тағы бір мәрте аяғы ауыр екендігі, дәл осы видеодан кейін мәлім болған. Сүйіктісі Оффсеттің жаңа үнтаспасының тұсаукесеріне келген әнші жүктілігін жұрттан жасыра алмаған. Бүгінде Калчер есімді ортақ қыз тәрбиелеп отырған жұлдызды жұп, әзірге қуанышты жаңалықпен ресми түрде бөлісе қойған жоқ.

Актер Джуд Лоу тағы бір мәрте үйленбек. Британ елінің жарық жұлдызы сүйіктісі - Филиппа Коанмен шаңырақ көтеру салтанатына қызу дайындыққа кірісті. 32 жастағы психолог маман мен актердың тойы, Франция елінде өтеді деп жоспарлануда. Сері бұған дейін дизайнер Сэди Фростпен заңды некеде тұрған еді.

Хью Джекман «Ұлы сиқыршы» драмалық мюзиклдың жалғасын таспаламақ. Бұл туралы атер «The Sun» журналына берген сұқбатында айтты. 2017 жылы жарық көрген мюзикл, басы-қасы 7 жылдай уақыт таспаланған еді. Әлемдік прокаттан 435 млн доллар кассалық табыс жинаған картина авторлары, «Ұлы сиқыршы» өз жалғасын табады деп отыр.