Әлемге танымал музыканттар: Дэвид Гетта, Биба Рекса және Джей Бальвин да бірігіп ортақ бейнебаян таспалады. Талантты өнерпаздар Бибаның «Say My Name» трегін жаңаша нұсқада ұсынды.

Бұл трек – Дэвид Геттаның «7» альбомына енген. Диджей төрт жылдық үзілістен кейін, өзінің жетінші үнтаспасын жарыққа шығарған еді. 15 хиттен тұратын әнжинақ, музыканттың танымал әншілермен дуэттерінен құралған.

Су жаңа клипте Биба Рекса эпатажды образдарымен көзге бірден ілігеді. Бейнебаяннан тіпті, экзотикалық өсімдіктер мен жануарларды да байқауға болады. Ал сюжеттен – жастардың би жарысын көресіз.