Ариана Гранде де, «Жыл әйелі» марапатына әбден лайық. Әнші су жаңа «thank u, next» трегімен бірден Биллборд чартының көшін бастады!

Ариана, аталмыш тректі Э́ллен Дедже́нерес шоуында орындап, көпті қызықтырғаны бар. Себебі, Гранде экс-ғашықтарының есімдерін осы әнге қосып, әрқайысысына жеке-жеке алғыс айтқан.

Еске салсақ, бұл Ариананың «Биллборд хот 100» тізімінде алғаш рет көш бастауы. Су жаңа синглмен бірден әйгілі чартта үздік шыққан әнші арулар кемде-кем. Мәселен, осыған дейін бұл белесті 2015 жылы Адель «Hello» әнімен бағындырған еді.

Еретеректе яғни, 2014 жылы Тейлор Свифтің «Shake It Off» трегі көптің көңілін тапса, Кэти Перри 2012 жылы «Part Of Me» туындысымен дәл осы «Биллборд хот 100» чартында қара үзіп шыққан еді.

Кэти Перри, Адель сынды өнердегі әпкелерінің жолын қуған Ариана әйгілі чартта ұзақ тұрақтайды ма, жоқ па әзірге белгісіз. Әзірге Гранденің өзгеше трегі тыңдармандарының талғамына сай болып тұр.